The work

"Custu disacatu, comente àteros de sos cales amus a tratare in custu nùmeru, non est però unu disacatu de atribuire a fortzas naturales chi no si podent firmare, ma frutu de isseberos irresponsàbiles, in pro de monopòlios, de guvernos italianos e regionales chi ant bèndidu e impoveridu sa terra nostra. A custu propòsitu in custu nùmeru bolimus fintzas torrare donu e saludare unu caru amigu de "Camineras" chi nos at lassadu totu in unu, Pitzente Migaleddu, presidente de su Isde-Medici per l´ambiente, militante in sa defensa de s´ambiente, de sa limba e de sa cultura in Sardigna. Su matessi Migaleddu si faghiat portaboghe, in ogni ocasione possìbile, de su raportu Sentieri (acrònimu chi istat pro "Istùdiu epidemiològicu natzionale de sos territòrios e de sos insediamentos espostos a arriscu de incuinamentu")."