L'opera

´Poesias in duas limbas´ est una regolta de versos chi cantan su dolu de sa terra nadia e de sa zente sua, ismentigada dae s´Itàlia, cunsiderada peta de masellu in tempus de gherra e de galera in tempus de paghe. Est unu càntigu dìligu e addolimadu pro sos disamparados de Sardigna (´sa mama ´e sos dolores/ cun s´ispina in su coro´) e de totu su mundu, dae sos isciaos de sa Louisiana a sos cilenos de su tempus de Allende: boghe jara ondrada dae sa bellesa de sos assimizos, poesia chi non timet su tempus e nemmancu sa sorte ca su respiru sou non tenet làcana peruna.