The work

Sos versos de Elianu Cau contant sas indivisìbiles isfumaduras de s´amore chi in sos ogros de s´autore agatant orìgine fecunda e iscopu ospederi. Cun boghe corale e madura, s´autore cantat sa cumplessidade armoniosa de unu sentidu in su cale bivent paris sas realidades de fìgiu, cumpàngiu e babbu, bàrigant sas làcanas intre òmines e paesàgios, in una identidade chi non s´isorvet. Gasi sa bentre materna est in su pròpiu tempus carre e orizonte, sa fèmina istrinta a costados suo est cumpangia e ìsula, sa figia, fogu istimadu prus de onni cosa, est sola e medas paris, finas a incrùere in sei s´umanidade matessi. In sa tzucada e in s´arribu, su portu seguru de custa passione chi non tenet agabbu istat in sa mirada de su poeta: in ojos de amore.